Бэнэдыкт 16: трэба глядзець на жыцьцё з пэрспэктывы вечнасьці
У чацьвер 5-га лістапада Папа адслужыў Сьвятую Імшу ў Базыліцы Сьвятога Пятра
за душы кардыналаў, арцыбіскупаў і біскупаў, якія памерлі ў апошніх 12-ці месяцах.
У сваім казаньні Сьвяцейшы Айцец прыпомніў, што “жыцьцё мае быць пастаянным чуйным
чаканьнем, паломніцтвам да вечнасьці, да канчатковага ажыцьцяўленьня, якое надае сэнс
і поўню нашай супольнай земскай дарозе” “Балючаю ёсьць разлука з нашымі бліэжнімі.
Сьмерць гэта таямніца поўная неспакою,- сказаў далей Пантыфік,- аднак для веруючых
ёсьць заўсёды асьветленая “надзеяю несьмяротнасьці” . Вера падтрымлівае нас у гэтых
хвілінах, па-чалавечаму поўных смутку і прыгнечанасьці. Усё аднак набірае вартасьці
і значэньня, калі ёсьць бачанае ў пэрспэктыве вечнасьці. Кожная спроба, калі прыймаецца
са стойкаю цярплівасьцю і ёсьць ахвяраваная за Божае Каралеўства, прыносіць нам карысьць
ў будучым жыцьці, ў Небе. “На гэтым сьвеце мы дачасныя, зазнаваныя як золата ў тыгелі”,-
сьцвярджае Сьвятое Пісаньне. У таямнічы спосаб спалучаныя з мукамі Хрыста, мы можам
скласьці нашае жыцьцё Госпаду як прыемную Яму дабраахвотную ахвяру любові”,- завершыў
сваё казаньне Папа Бэнэдыкт 16.