Італія: палеміка адносна прыгавору Эўрапэйскага Трыбуналу Правоў Чалавека
У Італіі не слабне абурэньне з прычыны рашэньня Эўрапэйскага Трыбуналу адносна Правоў
Чалавека, які прызнаў прысутнасьць крыжоў у публічных месцах як парушэньне дэмакратыі.
Прыгавор Вунійнага Суду асудзіла аднагалосна амаль ўся палітычная сцэна краіны, за
выняткам камуністычных экстрамістаў. Некаторыя палітыкі сьцвердзілі проста, што
эўрапэйскія суддзі паводзяць сябе як у найгоршыя часы таталітарнага рэжыму. Сапраўды,
ў Італіі апошні раз здымана крыжы па даручэньню нацыстаў. Зьдзіўленьне і горыч
з прычыны гэтага прыгавору Трыбуналу са Стасбурга выказаў таксама Прэсавы Прадстаўнік
Ватыкану айцец Фэдэрыко Лёмбардзі. “Крыж быў заўсёды знакам любові дадзенай Богам,
еднасьці і адкрыцьця на ўсё чалавецтва,- сьцвердзіў ён. Нам вельмі непрыемна, што
абыходзяцца з ім як знакам падзелаў, адчужанасьці, абмежаваньня свабоды. Крыж гэтым
не ёсьць. І так не ўспрыймаюць яго італьянцы. Рэлігія ўзносіць каштоўны уклад у
маральнае і духоўнае разьвіцьцё,- дадаў айцец Лёмбардзі. Становіць таксама істотны
элемэнт нашае цывілізацыі. Выкінуць яго з выхаваньня моладзі ёсьць памылкым і блізарукім.
Рашэньне Трыбуналу не пераконвае таксама да эўрапэйскай ідэі , якую мы італьянскія
католікі ад самага пачатку рашуча падтрымлівалі. Можна аднесьці ўражаньне, што суд
імкнецца аспрэчыць ролю хрысьціянства ў фармаваньні эўрапэйскае тоеснасьці, якая была
і надалей астаецца вельмі істотнаю”.- сказаў айцец Лёмбардзі. У падобным духу зарэагавала
таксама Япіскапская Канфэрэнцыя Італіі. У выдадзеным камунікаце біскупы напісалі,
што суддзі кіраваліся ідэалагічнымі поглядамі. Рашэньне Трыбуналу не ёсьць выяўленьнем
сьвецкасьці але яе дэгэнэрацыі ў постаці лаіцызму. Трыбунал імкнецца да аддзяленьня
нацыянальнае тоеснасьці ад яе духоўных і культурных крыніц”- чытаем у камунікаце Эпіскапату
Італіі