Çështja e vendimit të Gjykatës së Strasburgut për Kryqin nëpër shkollat italiane.
Flet juristi Karlo Kardia.
(05.11.2009 RV)“Një vendim me orientim të qartë ideologjik. Kështu e quajti
kardinali Anxhelo Banjasko vendimin e Gjykatës së Strasburgut, e cila kërkoi heqjen
e Kryqit nga klasat e shkollave italiane. Nga ana tjetër, vendimi i kësaj gjykate
duket i pavend nga pikëpamja juridike. Pikërisht këtë fakt nënvizon prof. Karlo Kardia,
docent i së Drejtës Kishtare në Universitetin e Romës Tre.
Përgjigje: Bëhet
fjalë për një problem kompentence, sepse Gjykata e Strasburgut ka shkelur vetë juridiksionin
e vet. Në shumë raste të tjera, kjo Gjykatë thoshte se nuk mund të ndërhynte përsa
i përket faktorit fetar, përveç se në raste tepër të veçanta ngaqë kjo gjë është kompetencë
e vetë shteteve, kombeve të ndryshme pra. Nga ana tjetër çdo traktat të Bashkimit
Evropian, të Këshillit Evropian që të marrim e të shohim, kurrkund nuk shkruhet që
kjo është kompetencë e Gjykatës së Strasburgut.