Thirrje Kishës së Salernos në Itali, për ta mbajtur gjithnjë Kryqin në qafë!
(04.11.2009 RV)“Si katolikë e duam me fe e arsye origjinën tonë; si italianë,
e njohim mirë historinë tonë”. Prandaj bëjmë thirrje që çdo i krishterë ta mbajë në
qafë Kryqin, duke iu përgjigjur kështu vendimit, për ne të padrejtë, të Gjykatës evropiane,
që kërkon ta zhdukë simbolin e fesë sonë nga muret e klasave. Kështu, kur një kryq
do të zhduket nga muret, dhjetra të tjerë do të duken mbi kraharorë e, sidomos, në
zemra. Kjo është thirrja e Kishës së Salernos në Itali, e cila i fton besimtarët
e krishterë ta mbajnë vazhdimisht në qafë Kryqin, për t’u treguar të gjithëve se
i përkasin fesë katolike.