Në raportin amerikan, Shqipëria shembull për lirinë fetare
(02.11.2009 RV)Në raportin e Departamentit amerikan të Shtetit, Shqipëria paraqitet
si shembull për lirinë fetare. Ambasadori amerikan Uidhërs theksoi sot në Tiranë se
toleranca fetare ka zanafillë të hershme, por është edhe përçuar në vite, brez pas
brezi, duke u kthyer në traditë. Në ceremoninë e zhvilluar në Ambasadën amerikane
morën pjesë përfaqësues të bashkësive fetare, të qeverisë dhe të trupit diplomatik
të akredituar në Tiranë.
Kosova në zi për të mbyturit e Tisës Sot,
Kosova ishte në zi për personat që u mbytën në lumin Tisa, në përpjekjen për të kaluar
kufirin ndërmjet Serbisë dhe Hungarisë, në natën ndërmjet 15 dhe 16 tetorit. Edhe
partitë politike pezulluan fushatën për zgjedhjet e 15 nëntorit. Dy javë pas tragjedisë
nuk dihet akoma saktë numri i të mbyturve. Deri tani janë gjetur tetë trupa pa jetë,
por mungojnë edhe tetë të tjerë. Një i rritur, një adoleshent e dy fëmijë duket se
kanë shpëtuar gjallë nga përmbysja e barkës.
Kosova falenderon Klintonin
me një shtatore në Prishtinë Ish-presidenti i SHBA-ve, Bill Klinton ka qenë
dje për herë të tretë në Kosovë, ku është pritur si hero i vërtetë nga qytetarët.
Ai u takua me krerët e shtetit e të qeverisë, mbajti një fjalim në parlamentin e Kosovës
dhe mori pjesë në përurimin e shtatores kushtuar atij, në sheshin që mban emrin e
tij në Prishtinë. Kosovarët e nderojnë si personin që i hapi rrugën pavarësisë së
vendit, 10 vjet më parë.