Sot në Solemnitetin e Gjithë Shenjtorëve kremtohet Dita për Shenjtërim Universal
(01.11.2009 RV)U kremtua sot, në përkim me Solemnitetin e Gjithë Shenjtorëve,
Dita për Shenjtërim Universal, me temë “Shenjtëria është dhuratë për të gjithë”. Organizatore,
Lëvizja Pro Sanctitate, që impenjohet për të përhapur kudo në botë, idealin e shenjtërisë
e të vëllazërimit, në frymën e themeluesit, Shërbëtorit të Zotit, Gulielm Xhakuinta
(1914-1994). Ndërsa nesër, në mbarë botën katolike, do të kremtohen Meshë për
shpirtrat e të vdekurve: është dita që u kushtohet e, pas saj, i gjithë muaji nëntor.