Në Betlehem vendoset guri i parë i një klinike pediatrike. Flet Imzot Rodolfo Çetoloni.
(27.10.2009 RV)Me vendosjen e gurit
të parë nisi sot në Betlehem ndërtimi i klinikës së parë së kirurgjisë pediatrike
në Palestinë në bazë të një projekti që u bë i mundur falë bashkëpunimit ndërmjet
Toskanës, Konferencës Ipeshkvnore Italiane dhe enteve e shoqatave të tjera. Ndërtesa
e re do ketë një kapacitet prej dyzet shtretërisht. Po, më hollësisht le të ndjekim
Imzot Rodolfo Çetolonin, ipeshkëv i Montepulçano-Kiuzi-Piencës.
Pyetje:
Imzot, a mund të na thoni se çfarë sjell kjo klinikë e re në Betlehem?
Përgjigje:
Ajo sjell kirurgjinë pediatrike pranë Bejbi Hospital, i cili tashmë kryen një shërbim
të rëndësishëm prej vitesh. Klinika e kirurgjisë pediatrike mungonte dhe tani, ja,
iu dha palestinezëve. Pra, përveç se një shërbim është edhe një akt besimi, është
një akt promovimi, sepse niveli profesional është tepër i lartë. Palestinezët do të
bashkëpunojnë me Toskanën, dhe në veçanti me spitalin Majer, që për këto gjëra është
një nga më të mirët në nivel botëror.