Priten mijëra vetë në Milano për Lumnimin e Don Njokit, atit të të gjymtuarve
(23.10.2009 RV)Priten 40 mijë vetë të dielën në Milano, ku në Sheshin e Katedrales
do të shpallet i Lum Don Karlo Njoki, “ati i të gjymtuarve”. Ritin do ta kryesojë,
si përfaqësues i Papës, kryeipeshkvi Anxhelo Amato, prefekt i Kongregatës për Çështjet
e Shenjtorëve. Don Njoki shërbeu gjatë Luftës II Botërore si kapelan i alpinëve. Në
përfundim të luftës mblodhi rreth vetes jetimët dhe fëmijët e gjymtuar. Na flet
për të postulatori i çështjes së lumnimit, imzot Enio Apeçiti: Ky prift
ka qenë një meshtar entuziast, në një epokë kur dramat, vuajtjet dhe shqetësimet ishin
të shumta e kur ishte më i lehtë çkurajimi e ankimi. Më ka bërë gjithnjë përshtypje
entuziazmi i tij, besimi i tij te koha, te bota. Thoshte: “Nëse do të lindja njëmijë
herë e nëse do të kisha mundësi ta zgjidhja shekullin ku të lindja, pa hezitim do
të zgjidhja vitet ‘900, sepse është shekulli i përmasave të mëdha, i debateve të mëdha,
por edhe i guximit të madh”. Ka qenë një person që e jetonte thellësisht atë që thoshte,
sipas fesë së tij të patundur.