Eprori i ri i përgjithshëm i kombonianëve: të jemi dëshmitarë të dashurisë së Zotit
ndër të fundmit
(23.10.2009 RV)Kapitulli i 17-të i përgjithshëm i Misionarëve kombonianë, mbledhur
në Romë, zgjodhi dje eprorin e ri të përgjithshëm të Kongregatës: atë Enrike Sançez
Gonzalez, 51 vjeç, meksikan. Ai është pasardhësi i atë Terezino Serrës dhe do të qëndrojë
në detyrë për gjashtë vjet, në krye të rreth 1.700 kombonianëve në të gjithë botën.
Në mikrofonin tonë, atë Sançez shpjegon se si e kupton ai misionin: E
kuptoj misionin si shërbim që më detyron të jem gjithnjë i gatshëm, gjithnjë i kujdesshëm,
gjithnjë në dëgjim për t’u shërbyer të tjerëve sa më mirë. Pastaj, për mua është thirrje
që të ndjek nga afër themeluesin tonë, Shën Daniel Kombonin, për të jetuar personalisht
pasurinë e karizmës së tij, të dhuratës së tij për Kishën, misionin dhe botën.