Пачаўся апошні тыдзень прац Сыноду Біскупаў адносна Афрыкі
Цяпер працягваюцца працы над так званымі “прапановамі”, якія будуць перададзеныя
Папе Бэнэдыкту 16. Практычна справа ідзе пра тое, што многія тэмы уздыманыя ў 12-ці
рабочых групах пакрываюцца і цяпер іх Сынадальныя Айцы хочуць сабраць у адно. (робяць
аднастайнымі). У часе прац Сыноду абмеркавана таксама сітуацыю ўцекачоў на Чорным
Кантынэнце, якіх ёсьць больш за 17-ць мільёнаў. Тымчасам ва Угандзе пачалася сустрэча
на вярхах Афрыканскае Вуніі, якая прысьвечана менавіта гэтай праблеме. У сустрэчы
удзельнічаюць прадстаўнікі 13-ці краін гэтага кантынэнту і вядуць яны спрэчкі над
прыняцьцем агульнаафрыканскай канвэнцыі ў справе аховы і апекі над эмігрантамі. У
Вечным Горадзе адбыўся кангрэс зарганізаваны ўладамі Рыму на тэму: “Афрыка : якое
супрацоўніцтва дзеля прымірэньня, справядлівасьці і міру?”. У сустрэчы побач мэра
Вечнага Гораду ўдзельнічалі Сынадальныя Айцы, прадстаўнікі Супольнасьці Сьвятога Эджыдыя,
якія моцна заангажаваныя ў дапамозе для Афрыкі ды заступнік Гэнэральнага Дырэктара
ФАО. На неабходнасьць шчыльнага супрацоўніцтва паміж Касьцёлам а дзяржаўнымі ўстановамі
ўказаў прэсавы прадстаўнік Ватыкану, айцец Фэдэрыко Лёмбарді. “Супрацоўніцтва з
Афрыкаю і для Афрыкі не можа быць абмежавана выключна да царкоўных сілаў, нават, калі
ў некаторых сітуацыях гэта менавіта яны вызначаюць напрамак дзейнасьці,- сказаў айцец
Лёмбарді. Трэба на многа больш шырэйшага заангажаваньня. Да супрацоўніцтва мусіць
актыўна ўключыцца цэлая грамадзкая супольнасьць таму, што са сваёй натуры і ва ўласьцівы
сабе спосаб яна павінна вызначыць шляхі будаваньня прымірэньня, справядлівасьці і
міру. Гэта ўнівэрсальныя ідэалы, значыць належаць усім і кожны мае да іх права”-
сказаў прэсавы прадстаўнік Ватыкану.