У суботу 17-га кастрычніка ў зале імя Папы Паўла 6-га адбыўся канцэрт у гонар
Сьвяцейшага Айца, зарганізаваны Міжнароднаю Пяністычнаю Акадэміяю з Імолі,- паўночнаітальянскага
гораду вядомага з музычных ініцыятываў. У праграме былі творы Баха, Моцарта, Бэтовэна,
Шапэна, Чайкоўскага, Лішта. Выканала іх кітайская артыстка Джын Ю. На заканчэньне
Бэнэдыкт 16 дзякуючы за канцэрт, зьвярнуў увагу на вынятковае значэньне музыкі ў міжнароднай
камунікацыі. Гэты канцэрт.- сказаў Папа.- дазволіў нам ужо чарговы раз пакаштаваць
цудоўнае музыкі. Ёсьць яна духоўнаю моваю. Як-жа вельмі дапамагае ў зразуменьні
і абьяднаньні людзей і народаў. Музыка гэта элемэнт кожнае культуры і можна сказаць,
што суправаджае ўсе чалавечыя дасьведчаньні, ад цярпеньня да прыемнасьці, ад нянавісьці
па любоў, ад смутку да радасьці, ад сьмерці да жыцьця. Музыка, вялікая музыка ўзбуджае
глыбокае пачуцьцё і ў спосаб амаль натуральны ўзносіць наш розум і сэрца да Бога.
Музыка можа стаць малітваю—дадаў Сьвяцейшы Айцец.