Կիրակնօրեան աւետարանական ընթերցում

Կիրակի 18 հոկտեմբեր, Զ. կիրակի զկնի Խաչի։

Ընթերցում Սուրբ Ղուկասի Աւետարանէն գլուխ 4, թիւ 14-24 համարները

Կիրակնօրեան աւետարանական ընթերցում

Կիրակի 18 հոկտեմբեր, Զ. կիրակի զկնի Խաչի։

Ընթերցում Սուրբ Ղուկասի Աւետարանէն գլուխ 4, թիւ 14-24 համարները



Ընթերցում Սուրբ Ղուկասի Աւետարանէն



¹⁴Յիսուս Հոգիին զօրութեամբ Գալիլիա վերադարձաւ եւ անոր համբաւը շուտով տարածուեցաւ այն շրջանի բոլոր կողմերը։ ¹⁵ Կը սորվեցնէր անոնց ժողովարաններուն մէջ եւ ամէնքը կը փառաւորէին զինք։

¹⁶Յիսուս Նազարէթ եկաւ, ուր սնած էր եւ իր սովորութեան համաձայն, շաբաթ օրը մտաւ ժողովարան եւ ոտքի ելաւ ընթերցում ընելու։ ¹⁷տուին իրեն Եսայի մարգարէին գիրքը, բացաւ զայն եւ գտաւ այն տեղը ուր գրուած էր. ¹⁸Տիրոջ Հոգին վրաս է. Որովհետեւ օծեց զիս եւ ղրկեց` քարոզելու Աւետարանը աղքատներուն, գերիներուն` աւետելու ազատութիւն, կոյրերուն` աչքի լոյս, հարստահարուածներուն` ազատութիւն ¹⁹եւ հռչակելու Տիրոջ շնորհքի տարին։ ²⁰Գիրքը փակեց, տուաւ պաշտօնեային ու նստաւ։ Ժողովարանին մէջ, ամէնքը իրենց աչքերը վրան սեւեռածե էին։ ²¹Սկսաւ ըսել անոնց. ''Այսօր, այս գրուածքը զոր դուք լսեցիք` իրականացաւ''։ ²²Ամէնքը կը վկայէին իրեն ու կը հիանային շնորհքով օծուն խօսքերուն վրայ որ կ'ելլէին անոր բերնէն։ Եւ կ'ըսէին. ''Միթէ ասիկա Յովսէփի որդին չէ՞''։ ²³Յիսուս ըսաւ անոնց. ''Անշուշտ պիտի ըսէք ինծի այս առածը. 'Բժիշկ, դուն քեզ բժշկէ'։ Ինչ որ լսեցինք որ ըրեր ես Կափառնաում, նոյնը հոս ըրէ, քու հայրենիքիդ մէջ''։ ²⁴Յետոյ աւելցուց. ''Ճշմարիտ կ'ըսեմ ձեզի, չկայ մարգարէ մը որ ընդունելի ըլլայ իր հայրենիքին մէջ։