Мэр Вільні Вілюс Навіцкас узнагародзіў 9 кастрычніка старшыню Таварыства беларускай
культуры ў Летуве Хведара Нюньку за значны ўклад у разьвіцьцё Вільні й віленскай самаўправы.
Віленская самаўправа ў асобе мэра Вілюса Навіцкага высока ацаніла працу Хведара
Нюнькі на ніве беларушчыны й ва ўзбагачэньні культуры Вільні. Варта дадаць, што
Хведар Нюнька быў адзіным прадстаўніком нацыянальных меншасьцяў, хто атрымаў узнагароду
„За заслугі для Віленскай самаўправы“. Урачыстая цырымонія ўзнагароджваньня адбылася
ранкам у віленскай ратушы. Гэтая ўзнагарода ўручаецца ўпершыню. Сёньня ёй яна была
ўручана чыноўнікам, чальцам Сэйму, мастакам, грамадзкім дзеячам. Усяго былі ўзнагароджаны
19 чалавек.