2009-10-15 14:10:13

Լուրեր հայ եկեղեցական կեանքէն


Լուրեր հայ եկեղեցական կեանքէն

Հայ կաթողիկէ եկեղեցւոյ 2009-ի Եպիսկոպոսաց սինոդոսը։

Նախագահութեամբ Ամենապատիւ եւ գերերջանիկ Տէր Ներսէս Պետրոս ԺԹ Տանն Կիլիկիոյ Կաթողիկէ Հայոց Կաթողիկոս-Պատրիարքին, 15-23 հոկտեմբեր 2009, պիտի գումարուի Հայ կաթողիկէ պատրիարքութեան աթոռ, ՜՜Զմմառու Տիրամօր վանքին մէջ՝՝ Հայ կաթողիկէ եկեղեցւոյ 2009-ի Եպիսկոպոսաց սինոդոսը որուն ընթացքին սինոդոսական հայրերը պիտի արծարծեն այժմու եկեղեցական, հովուական, ազգային, ընկերային, քաղաքական ու տնտեսական հրատապ հարցերն ու տագնապները։

Միւռոնօրհնէքի արարողութիւն, Պէյրութի Հայ Կաթողիկէ Ս. Գրիգոր Լուսաւորիչ - Ս. Եղիա Աթոռանիստ եկեղեցւոյ մէջ։ Կիրակի 18 հոկտեմբեր 2009-ին, Պէյրութի Հայ Կաթողիկէ Ս. Գրիգոր Լուսաւորիչ - Ս. Եղիա Աթոռանիստ եկեղեցւոյ մէջ պիտի կատարուի միւռոնօրհնէքի արարողութիւն,  նախագահութեամբ՝ Ամենապատիւ Տէր Ներսէս Պետրոս ԺԹ. Տանն Կիլիկիոյ Կաթողիկէ Հայոց Կաթողիկոս-Պատրիարքին: Նախորդ միւռոնօրհնէքի արարողութիւնը տեղի ունեցած էր Զմմառու վանքին մէջ ( Լիբանան)  2001 թուականին, Հայաստանի քրիստոնէացման 1700-ամեակին առթիւ:








All the contents on this site are copyrighted ©.