(12.10.2009 RV)Së paku 41 vetë mbetën të vrarë në atentatin e sotëm në një
treg pranë Suatit në Pakistan. Ndër viktimat, 4 ushtarë, të tjerët janë civilë. Mbi
50, të plagosurit. Atentati me kamikaze është marrë përsipër nga talebanët, me të
cilët prej kohësh po zhvillohen beteja të ashpra në zonë. Talebanët në zonën e Vaziristanit
e të Punxhabit arrijnë shifrën 10 mijë. Në kufi, Pakistani do të disllokojë 28 mijë
ushtarë, por ata, pavarësisht se më të shumtë, do ta kenë të vështirë të kontrollojnë
bazat e talebanëve, të ndërthurur me grupet xhihadiste lokale.