Ватыкан. У суботу, 10 кастрычніка, Папа Бенедыкт 16 прыняў на спецыяльных аўдыенцыях
караля і каралеву Бельгіі і прэм'ер-міністра Францыі з жонкай.
Афрыка, Блізкі Ўсход і эканамічны крызіс - тэмы, якія хвалююць чалавецтва сёння,
былі закранутыя ў гэтай сустрэчы адказных за лёсы народаў з правадыром каталіцкай
грамады свету. Гэты візіт папярэднічаў важнай падзеі для бяльгійскага і французскага
народу - беатыфікацыі святых, што заззялі ў іхных землях. Падчас калёквіюма з
каралём Альбертам 2-м і ягонай жонкай каралевай Паолай Папа крануў пытанні дапамогі
з боку Еўропы краінам, што стаяць на шлыху развіцця і наогул аб міжнароднай палітыцы
краіны ў святле гістарычнай традыцыі Бельгіі. У сустрэчы з французскім прэм'ерам Франсуа
Філонам ,як паведамляе заля друку Ватыкана, пасля ўспамінаў аб пілігрымцы Бенедыкта
16 у Парыж і Лурд, былі кранутыя тэмы ўзаемных інтарэсаў і падкрэслена гатоўнасць
працягваць сумесную дарогу па ўмацаванню міра і справядлівасці ў свеце. Гаворка ішла
таксама аб развіцці міжрэлігійнага дыялогу і аб навуковых аспектах кліматычных змен
на планеце. Французскі прэм'ер падкрэсліў важны ўклад Энцыклікі "Саritas in veritate
(Праўда ў міласэрднасці)", асабліва у раздзеле карэннага перагляжду эканомікі з этычных
пазіцый, неабходнага для выжывання.