У Бухарэсьце ва ўзросьце 80 гадоў памёр былы начальнік чаўшэскаўскай Сэкурытатэ Нікалае
Плешыца. Нікалае Плешыца памёр 28 верасьня ў Бухарэсьце ў шпіталі румынскай выведкі,
дзе ён праходзіў лячэньне ад мноства розных захворваньняў, уключаючы дыябэт. Нікалае
Плешыца ўзначальваў аналяг савецкага КДБ за часамі Чаўшэску з 1980 па 1984 год. Ён
“праславіўся” найперш як арганізатар няўдалага выбуху на "Радыё Свабодная Эўропа /
Радыё Свабода”, а таксама як той, хто надаў прытулак у Румыніі сусьветна вядомаму
вэнэсуэльскаму тэрарысту Ільічу Рамірэсу Санчасу, больш знанаму пад псэўданімам Карлас
Шакал.