ЗША. Амерыканскі гісторык Філіп Джэнкінс на аснове свайго даследвання прыйшоў да выніку,
што адной з найбольшых хрысціянскіх грамад 21 стагоддзя станецца эфіёпская.
Ватыканская газета " OSSERVATORE ROMANO (Рымскі аглядальнік) " змясціла агляд новай
кнігі "Сусветная Царква - другі Ерусалім" вышэйазначанага аўтара, выпушчанай рымскім
выдавецтвам Кверініана. Праф. Джэнкінс шчыльна вывучаў жыццё аднаго старажытнага
горада ў гэтай паўночнаафрыканскай краіне - Лалібэла. Ён сцвярдэжае, што сам г.Лалібэла
павінен быць унесены ў ліст найважнейшых помнікаў хрысціянскага мастацтва і літаратуры.
Назва яго паходзіць ад караля з 1200 году па Растве Хрыстовым, які якраз меў імя
Гербэ Мескель Лалібэла . Тагачасны кароль эфіопскіх земляў прапанаваў хрысціянам
пілігрымаваць ў свае святыні, якія лічыў вартымі як сапраўдны Ерусалім. Ён пабудаваў
копіі святых месцаў Ізраіля і Юдэі часоў Езуса Хрыста, у асноўным тых святынь, з
якімі былі спалучаныя смерць і Уваскрасенне Сына чалавечага-Бога. У сучаснай Лалібэлі
амерыканскі навуковец аднайшоў 11 старажытных храмаў. Публікуючы вынікі сваіх росшукаў,
праф. Джэкінс вызначае, што сёння ў Эфіёпіі пражывае 50 млнаў хрысціянаў, а да 2050
году іх будзе 100 млнаў. Калі так і станецца, Эфіёпія будзе радзімаю найбольшаю нацыянальнай
грамады праваслаўных хрысціянаў у свеце.