Կիրակնօրեան աւետարանական ընթերցում
Կիրակի 13 սեպտեմբեր, Տօն Վերացման Սրբոյ
Խաչին` Խաչուերաց
Ընթերցում Սուրբ Յովհաննէսի Աւետարանէն գլուխ 3, թիւ 13-21 համարները
Կիրակնօրեան աւետարանական ընթերցում
Կիրակի 13 սեպտեմբեր, Տօն Վերացման Սրբոյ Խաչին` Խաչուերաց
Ընթերցում Սուրբ Յովհաննէսի Աւետարանէն գլուխ 3, թիւ 13-21 համարները
Ընթերցում Սուրբ Յովհաննէսի Աւետարանէն
13Ո'չ ոք երկինք ելաւ, այլ միայն ան որ իջաւ երկինքէն. Մարդու Որդին որ երկինքն է։ 14Ինչպէս Մովսէս օձը բարձրացուց անապատին մէջ, այնպէս պէտք է բարձրանայ Մարդու Որդին,15 որպէս զի ամէն մարդ որ հաւատայ անոր, ընդունի յաւիտենական կեանքը։ 16Աստուած այնքա՜ն սիրեց աշխարհը, որ մինչեւ իսկ իր Միածին Որդին տուաւ, որպէս զի ամէն մարդ որ հաւատայ անոր, չկորսուի, այլ` ընդունի յաւիտենական կեանքը։ 17Որովհետեւ Աստուած իր Որդին չղրկեց աշխարհ, որպէս զի աշխարհը դատէ, այլ` որպէս զի անով փրկուի աշխարհը։ 18 Ով որ հաւատայ անոր` չի դատապարտուիր, իսկ ով որ չի հաւատար` արդէն իսկ դատապարտուած է, որովհետեւ չհաւատաց Աստուծոյ Միածին Որդիի Անունին։ 19Եւ այս է դատաստանը. լոյսը եկաւ աշխարհ իսկ մարդիկ սիրեցին աւելի խաւարը, քան` լոյսը, որովհետեւ չար էին իրենց գործերը։ 20 Ով որ չարը կը գործէ, կ'ատէ լոյսը, կը խոուսափի լոյսէն, որպէս զի չյայտնուին իր գործերը։ 21 Իսկ ով որ ճշմարտութիւնը կը գործէ, լոյսին կու գայ, որպէս զի յայտնի ըլլայ թէ իր գործերը Աստուծմով եղած են։
| All the contents on this site are copyrighted ©. |