Папа просіць дапамогі ахвярам землятрасеньня ў Інданэзыі
Узрастае лічба ахвяраў землятрасеньня на востраве Суматра. Паводле дадзеных ААН ужо
адшукана целымі больш за тысячу асоб. Іншыя тысячы знаходзяцца пад руінамі. Як інфармуе
тамашні Карытас, у сталічным раёне Паданг завалілася палавіна дамоў. Яшчэ Горшая сітуацыя
ў іншых рэгіёнах востраву.Цэлы час падае дождж, што не спрыяе акцыі паратунку.Да дапамогі
Інданэзыі заклікае таксама Папа Бэнэдыкт 16. Як чытаем у спачувальнай тэлеграме, якую
ў імені Папы падпісаў кардынал Бэртонэ, Дзярсакратар Ватыкану, Сьвяцейшы Айцец просіць
стойкасьці ў акцыі паратунку. Са свайго боку запэўнівае аб малітве за памёршых і
пацярпелых з прычыны землятрасеньня. Касьцельную дапамогу ахвярам гэтае трагэдыі
каардынуе мясцовы Карытас, які інфармуе аб недахопе мэдычнае апекі ды раздае мясцоваму
насельніцтву харчы, чыстую ваду і палаткі.