Рым. "Каталіцкая Царква не мае намеру навяртаць яўрэяў"(на хрысціянства) - такія словы
значацца ў прэсавай заяве Італьянскай Біскупскай Канфярэнцыі
Іх пацвердзіў яе прэзідэнт кардынал Анжэло Баньяска на сустрэчы са старшынём італьянскай
канфярэнцыі рабінаў Джузэпэ Ларасам і галоўным рабінам Рыму Рікардо Дзі Сеньі. Кардынал
выказаў шанаванне да ўсяе старажытнае яўрэйскае грамады Вечнага гораду ад сабе самога
і ад Канфярэнцыі каталіцкіх біскупаў і запэўніў, што ў адносінах не адбылася аніякіх
зменаў, асабліва пасля 2-га Ватыканскага Сабору. Кардынал выказаў роспач і неспакой
у сувязі з выявамі антыюдаізму. якія калі-некалі здараюцца на ўзроўні аслбных выпадкаў
і ў Італіі таксама. Ён падкрэсліў важнасць захавання ўвагі да праблемы і пажадаў яшчэ
больш сціслых дружалюбных адносінаў між каталіцкай і юдэйскай грамадамі Італіі. "з
падвышэннем дружбы і ўзаемнай павагі будзе лягчэй выкарэньваць элементы нейкіх антыяўрэйскіх
паводзінаў". На сустрэчы кардынала з рабінамі было прынята рашэнне аб сумесным святкаванні
"Дзён яўрэйска-хрысціянскага роздуму" 17 студзеня, што будзе адноўлена пасля перапынку.
Каталіцкая Царква перакананая, што "...гэтае свята паспрыяе двухбаковаму паразуменню
і сумеснай працы для таго, каб ўзрастала любоў да Бога і людзей",- запэўніў высокі
прадстаўнік Італьянскай біскупскай Канфярэнцыі кардынал Анжэло Баньяско.