Lutja dhe solidariteti i Papës për viktimat e tajfunit Ketsana, shprehur në paraqitjen
e letrave kredenciale të ambasadores filipinase pranë Selisë së Shenjtë
(02.10.2009 RV)Solidaritet i Benediktit
XVI për qindra viktimat filipine të tajfunit Ketsana dhe inkurajimi për të ngulur
këmbë në dialogun që favorizon paqen, si kundërvënie ndaj atyre që e përdorin emrin
e Zotit për dhunë: këto ishin dy temat kryesore të bisedës së Papës me ambasadoren
filipinase pranë Selisë së Shenjtë, Mercedes Arrastia Tauson, e cila paraqiti sot
letrat kredenciale. Rreth 300 viktimat e shkatërrimi i madh që tajfuni Ketsana
shkaktoi në Filipine, ndërsa po afrohet një ciklon edhe më i fuqishëm, qenë faktet
që përmendi fillimisht Benedikti XVI. Ati i Shenjtë shprehu afërsinë shpirtërore dhe
u lut për ata që kanë humbur jetën. Një nga argumentet më të rëndësishme të fjalimit
të tij, qe pa dyshim, shqyrtimi i gjendjes shoqërore të Filipineve, duke u nisur nga
marrëdhëniet ndërmjet katolikëve, që janë shumica e popullsisë, me myslimanët, që
shkaktojnë probleme sidomos në shtetin e Mindanaut. Papa tha se vetëm dialogu e bashkëpunimi
janë rrugët për zgjidhjen e problemeve të brendshme. Paqja nuk është thjesht proces
teknik, vazhdoi më tej Benedikti XVI. Ajo nuk arrihet vetëm me mjete legjislative,
gjyqësore apo ekonomike. Shërbejnë masa të guximshme, të cilat të bazohen në bindjen
se e keqja largohet vetëm me të mirën.