Пораката на Папта за Светскиот Ден за социјални комуникации 2010, посветена на свештениците
и дигиталната ера
Во годината на Свештеникот, Бенедикт ХVІ размислува за црковните пастири и нивниот
потенцијал во областа на новите медии. Тоа е пораката на Папата за 44-от Светски ден
на Социјалните Комуникации: „ Свештеникот и пастирската дејност во дигиталниот свет:
новите медии во служба на Словото„. Со оваа тема – се вели во извештајот на Папскиот
совет за социјални комуникации – свештениците се поканети да гледаат кон новите медии
како на средства „со можен голем ресурс за нивната мисија во служба на Словото„ и
да бидат окуражени „за средбата со предизвиците на новата дигитална култура".
Ако
бидат запознаени и доволно отценети дигиталните средства за комуникација – се вели
во документот – тие можат да предложат на свештениците едно богатство од информации
и содржина, кои во минатото ги немале, а денес ги олеснуваат формите на соработка
и растот на обштеството.
Благодарение на новите медии „оној што го проповедува
Словото на животот може да стигне преку зборови, звуци и образи – вистинска и брза
граматика на дигиталната култура – до некои луѓе и дури и до цели општества низ сите
континенти, за да создаде простор за дијалог, да го предложи и да го реализира текот
на комуникацијата".
Како заклучок во извештајот на Папскиот Совет за социјални
комуникации пишува дека ако свештениците употребуваат нови медии „мудро, со помошта
на експерти во технологијата и културата на комуникациите, можат да станат ефикасни
средства за вистинска и длабока евангелизација и комуникација".