Закончылася Апостальскае Падарожжа Бэнэдыкта 16 ў Рэспубліку Чэхіі
У апошні дзень знаходжаньня ў гэтай краіне, значыць у панядзелак 28-га верасьня, ў
Апостальскім Палацы ў Празе Сьвяцейшы Айцец сустрэўся ў часе абеду з біскупамі Чэхіі.
У часе сустрэчы былі абмеркаваныя галоўныя выклікі, што стаяць перад Чэшскім Касьцёлам.
На заканчэньне сустрэчы Папа падзякаваў біскупам за іхняе вялікае сьвята надзеі і
веры. Сьцвердзіў, што сустрэў у Чэхіі Касьцёл жывы ды які моліцца. Каля гадзіны
17,15 мясцовага часу Папа прыбыў на міжнароднае лётнішча ў Празе, дзе адбылася цырымонія
разтвіаньня. Быў прысутным і Прэзыдэнт Рэспублікіі Чэхіі Вацлаў Кляўс, які дарэчы
ўдзельнічаў ва ўсіх сустрэчах з Папам. “Тваё пасланьне было перададзенае ў спосаб
вельмі ясны. Мы зразумелі яго і аб ім не забудзем”- сказаў Папу на разьвітаньне
Прэзыдэнт. Падзякаваў Сьвяцейшаму Айцу за прыклад веры і адвагі ў перадаваньні праўдаў,
якія не заўсёды ёсьць палітычна ўспрынятымі. У разьвітальнай прамове Папа падзякаваў
Чэхіі за сардэчны прыём. Спаслаўся да сустрэч, якія меў у часе трохдзённага візыту
ў Празе, Брне і Старым Баласлаўцы. Яшчэ раз падкрэсьліў значэньне хрысьціянства ад
даўняй да найнавейшай гісторыі. Так закончылася 13-е апостальскае падарожжа Бэнэдыкта
16 па-за межы Італіі.