Папа аб патрэбе супольнага сьведчаньня аб хрысьціянскіх каранях Эўропы
Пасьля абеду ў нядзелю 27-га верасьня Папа меў у Празе экумэнічную сустрэчу з прадстаўнікамі
чэшскіх некаталіцкіх супольнасьцей. “Хрысьціянства мае многа да запрапанаваньня на
практычным і маральным узроўні, таму што Эвангэльле ніколі не спыняе інспіраваць людзей,
каб аддаваць сябе на служэньне іншым.- сказаў Сьвяцейшы Айцец. Гэтага немагчыма аспрэчыць.
Але тыя, якія глядзяць на Ісуса з Назарэту вачамі веры ведаюць, што Бог абдароўвае
глыбейшаю рэчаіснасьцю, неразлучнаю адносна “эканоміі” любові, якая дзейнічае ў гэтым
сьвеце. Яна менавіта дае збаўленьне. Папа выказаў надзею, што дзейнасьць ў карысьць
адзінства хрысьціян прынясе добрыя плады для ўсіх жыхароў Эўропы. Дзеля гэтага трэба
супольнага заангажаваньня пасьлядоўнікаў Хрыста ў карысьць адкрываньня нанава хрысьціянскіх
каранёў Старога Кантынэнту ды паказываць іхнюю неабходнасьць таксама ў аднясеньні
да іншых культур і рэлігійных традыцый. “Калі Эўропа ўслухоўваецца ў гісторыю хрысьціянства,
чуе сябе самую.- прыпомніў Сьвяцейшы Айцец. Ейныя паняцьці, як справядлівасьць, свабода
ці грамадзкая адказнасьць, разам з культурнымі і законнымі ўстановамі, якія ўстаноўленыя
для аховы гэтых ідэй і перадаваньне іх будучым пакаленьням былі накрэсьленыя цераз
яе хрысьціянскую спадчыну. І так памяць аб мінуўшчыне ажыўляе яе імкненьні на будучыню”.