Бэнэдыкт 16 да акадэміцкага сьвету аб праўдзе, свабодзе і дыялогу культур
На сустрэчы з акадэміцкім сьветам Папа ўзьняў праблему праўды, свабоды і дыялогу культур.
Прыпомніў, як вялікую ролю ў пераменах чэшскага грамадзтва 20-ць гадоў таму назад
адыгралі рэфарматарскія рухі, якія ўзьніклі на Унівэрсытэтах і у студэнцкіх кругах.
Імкненьне да свабоды ў служэньні праўдзе ёсьць неабходнае для дабра кожнага народу.
Некаторыя адмаўляюць месца пытаньням, што ўздымае рэлігія, вера і этыка, але яны не
маюць рацыі.- сказаў Папа. Свабода, якая стаіць у асноў розуму, як на Унівэрсытэце
так і ў Касьцёле, мае на мэце імкненьне да праўды”. “Вялікая, адкрытая на трансцэдэнцыю
традыцыя фармацыі, што стаіць у асноў унівэрсытэтаў усёй Эўропы, была ў гэтай краіне
як і ў іншых краінах сыстэматычна падкопвана ідэалогіяю матэрыялізму, перасьледаваньнем
рэлігіі і душэньнем чалавечага духа.- гаварыў Бэнэдыкт 16 Аднак у 1989-м годзе сьвет
быў сьведкам драматычных здарэньняў, якія давялі да ўпадку таталітарнай ідэалогіі
і перамогі чалавечага духа. Туга за свободай і праўдаю належыць да нашае супольнае
чалавечнасьці. Не можна яе ніколі адмаўляць, а як паказвае гісторыя, ейнае адмаўленьне
выстаўляе чалавецтва на рызыка. На гэтую тугу намагаюцца адказаць рэлігійная вера,
мастацтва, філязофія, тэалогія ды іншыя навуковыя дысцыпліны. Сёньня ўнівэрсытэт
свабодны ад палітычнага таталітарызму- заўважыў Бэнэдыкт 16. Стае аднак перад новымі
пагрозамі: рэлятывізму, націску інтарэсаў ідэалагічных груп, прагматычных мэтаў.
Здольнасьць пазнаваць праўду становіць аб вялікасьці чалавека а ягоным стаўленьнем
ёсьць свабода. Давер да гэтае здольнасьці зможа пераадолець рэлятывізм і скептыцызм,
якія нішчаць сілы патрэбныя да тварэньня будучыні годнай чалавека.- завершыў сваю
прамову Папа.