Կիրաիկի 27 սեպտեմբեր, Գ. կիրակի զկնի Խաչի։ Տօն Վարագայ սուրբ Խաչին
ընթերցում
ս. Մաթէոսի Աւերարանէն 24 գլուխ, 30-35 համարները։
Կիրաիկի 27 սեպտեմբեր, Գ. կիրակի զկնի Խաչի։ Տօն Վարագայ սուրբ Խաչին
ընթերցում ս. Մաթէոսի Աւերարանէն 24 գլուխ, 30-35 համարները։
Ընթերցուած Սուրբ Մատթէոս Աւետարանէն
30Այն ատեն երկնքի վրայ պիտի յայտնուի Մարդու Որդիին նշանը: Այն ատեն երկրի ազգերը իրենց կուրծքը պիտի բախեն եւ պիտի տեսնեն Մարդու Որդին որ կու գայ երկնքի ամպերու վրայ իր ամբողջ զօրութեամբ եւ փառքով: 31Պիտի ղրկէ իր հրեշտակները մեծ փողերով՝ հաւաքելու համար ընտրեալները աշխարհի չորս կողմերէն, երկնքի մէկ ծայրէն մինչեւ միւսը: 32Թզնիէն սորվեցէք առակը: Երբ անոր ոստերը թարմանան եւ տերեւները ցցուին, գիտէք որ ամառը մօտ է: 33Նմանապէս դուք, երբ տեսնէք այն բոլոր նշանները, գիտցէք որ Մարդու Որդին մօտեցած է, ձեր դռներու առջեւն է: 34Ճշմարիտ կ’ըսեմ ձեզի, այս սերունդը պիտի չանցնի մինչեւ որ այս ամէնը չկատարուի: 35Երկինքն ու երկիրը պիտի անցնին, բայց իմ խօսքերը պիտի չանցնին:
| All the contents on this site are copyrighted ©. |