Katedralja e shenjtorëve Vito, Vençeslau dhe Adalberti
(26.09.2009 RV)Katedralja, që i kushtohet Shën Vitos, martir në kohën e Dioklecianit,
ndodhet në njërin prej tri oborreve të Kështjellës së Hradçanit. Ndërtimi i saj filloi
në vitin 1334 mbi themelet e kishave më të lashta karolingje dhe romanike dhe përfundoi
vetëm në vitin 1929. Punimet u ndërprenë në vitin 1418 gjatë revolucionit husit, kur
edhe u plaçkit. Siç duket sot, ndërtesa ka një stil madhështor gotik me shtesa nga
rilindja, baroku e neogotiku. Katedralja ka dy kulla anësore, tri navata me kapela
anash, një kalim në mesin e kishës me dy kullëza, një kor shumë të madh, absidën e
kapelat që dalin prej saj. Ndër kapelat, më e rëndësishmja është ajo e shën Vençeslaut,
ku ndodhen edhe thesaret mbretërore, të përbëra nga kurora, globi dhe spektri i mbretërve
të Bohemisë. Xhamat janë zbukuruar në vitet ’30 e ’40. Në katedrale ruhen reliket
e shën Vitos, të shën Adalbertit, Ipeshkëv i Pragës, dhe të shën Vençeslaut. Po aty
ndodhet edhe varri i shën Gjon Nepomuçenit dhe i kardinalit Frantishek Tomashek, Kryeipeshkëv
i Pragës (1899-1992).