Papa: jo urrejtjes, agresivitetit, po respektit ndaj tjetrit
(20.9.2009 RV)Papa Benedikti XVI sot para lutjes së Engjëllit të Tënzot të
së dielës në Kastel Gandolfo - denoncoi atmosferën aktuale që karakterizohet në njërën
anë nga “ prirja e përhapur e agresivitetit, e urrejtjes dhe e hakmarrjes” dhe në
anën tjetër nga “mungesa e respektit për të “vërtetën”, mungesa e “mirëkuptimit” dhe
e “vlerësimin ndaj të tjerëve”. Prandaj, tha Papa “ duhet të zhdukim helmin e “mbeturinave
të gënjeshtrës e të egoizmit” e kjo vlen për të gjithë e posaçërisht “për atë person
që është i thirrur të jenë nismëtar e kultivues i paqes në bashkësitë fetare e civile,
në marrëdhëniet shoqërore e politike si dhe në marrëdhëniet ndërkombëtare”. Sikur
çdonjëri prej nesh - shtoi Papa - në mjedisin personal të jetës, do të arrinte ta
largonte e përjashtonte gënjeshtrën dhe dhunën në fjalë, në qëllime e në vepra, dhe
të kultivonte me vëmendje ndjenjat e respektit, të mirëkuptimit e të vlerësimit të
tjetrit, ndoshta nuk do t’i zgjidhte të gjitha problemet e jetës së përditshme, mirëpo
do t’i përballonte ato më me qetësi dhe efikasitet”. Pastaj Ati i Shenjtë Racinger
me rastin e Ditës së Komunikimeve shoqërore që kremtohet në Poloni, i ftoi gazetarët
të përhapin kulturën e respektit, të dialogut e të miqësisë.