10–11 верасня 2009 г. у каталіцкім універсітэце ў Тайпеі (Тайвань) адбываліся рэкалекцыі,
якія праводзіла першая наступніца Маці Тэрэзы з Калькуты, сястра Нірмала Джошы. У
рэкалекцыях прынялі ўдзел 5 кардыналаў, 60 біскупаў і каля 400 іншых прадстаўнікоў
Каталіцкага Касцёла з 29 краін Азіі.
Святы Айцец Бэнэдыкт XVI скіраваў
да ўдзельнікаў рэкалекцый пасланне, у якім прывітаў усіх, хто вырашыў прысвяціць сваё
жыццё служэнню любові і стаць своеасаблівым падмуркам Касцёла. Таксама Пантыфік пажадаў,
каб рэкалекцыі ўзмацнілі супрацоўнікаў дабрачынных арганізацый Касцёла ва ўсіх цнотах
і ўмацавалі іх еднасць з тымі, хто церпіць.
Арганізатарам мерапрыемства
стала Папская рада «Cor Unum». Як паведамляе ватыканскае ведамства, рэкалекцыі сталі
адказам на заклік Папы аб неабходнасці сур’ёзнай духоўнай падрыхтоўкі тых, хто працуе
ў дабрачынных арганізацыях Касцёла. На думку Святога Айца, супрацоўнікі гэтых арганізацый
павінны знаходзіцца ў глыбокай сувязі з Богам, каб дапамагаць тым, хто жыве ў нястачы.
У дакуменце Папскай рады паведамляецца, што хрысціяне ўсяго свету разумеюць, што тыя,
хто знаходзіцца ў нястачы, патрабуюць не толькі матэрыяльнай дапамогі, але таксама
надзеі, якую можа даць толькі Хрыстус.