(14.09.2009 RV)Më 1 tetor do të bëhet një takim ndërmjet Iranit dhe Grupit
të vendeve 5+1, mbi programin bërthamor të Teheranit. Akoma nuk dihet vendi i takimit.
Të mërkurën e kaluar, Irani i paraqiti grupit, ku bëjnë pjesë 5 anëtarët e përhershëm
të Këshillit të Sigurimit të OKB-së plus Gjermania, një paketë me propozime. Por ndërkaq,
dje, presidenti Ahmadinexhad ripohoi se Teherani e konsideron të mbyllur çështjen
e programit dhe nuk ka ndërmend të negociojë me të drejtat e veta.