Пасланьне да мусульманаў: змаганьне з убоствам адкідае насільле
Папская Рада да спраў Міжрэлігійнага Дыялогу запрапанавала вызнаўцам ісламу ў сёлетнім
пасланьні на іхняе сьвята Ід Аль-Фітр, роздумы над супольнаю хрысьціянам і мусульманам
барацьбою з убоствам. Сьвята Ід аль-Фітр прыпадае на 19-20 верасьня, на заканчэньне
мусульманаскага месяца посту і малітвы Рамадану. Ватыканская ўстанова зьвяртае ўвагу,
што турбота пра ўбогіх незалежна ад рэлігійных розьніц, якія нас дзеляць, стаіць у
цэнтры Божых Прыказаньняў. Бог наказвае нам любіць кожнага чалавека. “Мы усе ведаем,
што ўбоства спрычыняе вялікія цярпеньні, гнеў, ізаляцыю, нянавісьць і жаданьне помсты”-
чытаем у пасланьні да пасьлядоўнікаў ісламу. “Можа схіляць да варожых дзеяньняў
ўсялякімі даступнымі сродкамі, што апраўдываецца нават рэлігійнымі прычынамі, ў імя
быццам-бы “боскай справядлівасьці адбіраючы іншым іхняе багацьце разам з мірам ды
бясьпекаю”. Менавіта дзеля гэтага, каб адкінуць такія зьявішчы як эктрэмізм і насільле,
змаганьне з убоствам трэба весьці ў імя павышэньня цэласнага чалавечага разьвіцьця”-
падкрэсьлівае Папская Рада да спраў Міжрэлігійнага Дыялогу. Далей прыводзіць сьцверджаньне
Папы Паўла 6-га, што “разьвіцьцё гэта новае імя міру” ды словы Бэнэдыкта 16-га з Энцыклікі
“Caritas in veritate” аб патрэбе “новага гуманітарнага сынтэзу”, які бярэ пад увагу
цэнтральнае месца чалавека на зямлі і ягонае адкрыцьцё на Бога. Як веруючыя мы павінны
ўзьняць роздумы над праблемамі нашых часоў і калі гэта магчыма, супольна іх развязываць”-
падкрэсьліваецца ў пасланьні да мусульманаў. Прыпомнена таксама неабходнасьць “глабальнай
салідарнасьці”, што выказала б, напрыклад, прыняцьце як прапанаваў Ян Павал ІІ “супольнага
этычнага кодэксу”, які быў-бы не толькі канвэнцыяльны ( агульнапрыняты), але прытрымліваўся
б прыроднага закону, які ўпісаны Стварыцелем у сумленьне кожнага чалавека.