(12.09.2009 RV)Gjithnjë dramatike gjendja e bashkësive të krishtera në Irak.
Para luftës së fundit ata ishin 800 mijë, ndërsa tani janë reduktuar në 500 mijë vetë.
Por gjithnjë vazhdon ikja nga dhuna e përditshme, që vjen nga grupe të etnive të ndryshme.
Të krishterët largohen nga vendi, ose shkojnë në veri, ku janë më të respektuar. Por
përqëndrimi i tyre në Mosul mund të sjellë destabilizim për Irakun. Disa prej të krishterëve
kanë hedhur idenë e krijimit të një zonë autonome për ta, në ngjashmëri me atë kurde.
Ideja konsiderohet e rrezikshme nga autoritetet fetare, pasi do të vendoste të krishterët
ndërmjet kurdëve dhe myslimanëve sunitë, midis dy zjarreve.