Sali Berisha prezanton qeverinë e re të Tiranës me 16 ministra.
(10.9.2009 RV)Kryeministri i Shqipërisë Sali Berisha ka prezantuar mbrëmë kabinetin
e ri, disa orë pasi ai u dekretua nga Presidenti Topi si kryeministër i ri i vendit.
Qeveria e re e Shqipërisë do të ketë 16 portofole ku janë përfshirë katër emra të
rinj, ndërsa të tjerët janë ministra të qeverisë 'Berisha 1', por kanë ndryshuar dikasteret.
Ministrat e rinj janë: Arben Imami, Ferdinand Xhaferri, Myqerem Tafaj dhe Spiro Ksera.
Në këtë qeveri është vetëm një femër, Majlinda Bregu. Kryeministri pranoi se
ky është vetëm fillimi dhe balancat do të shkojnë në vend. Ai tha se kjo është qeveria
e negociatave të gjata 2 mujore, por si përfundim e ka ndarë mendjen për emrat vetëm
para pak minutash. Ndër emrat e rinj vërejmë se Berisha ka afruar bashkëpunëtorët
e tij. Ministri i i ri i Arsimit, Myqerem Tafaj, ishte këshilltar i Kryeministrit
për arsimin dhe u bë deputet i qarkut të Tiranës. Arben Imami, shef i Kabinetit në
qeverisë 'Berisha 1' si dhe doli deputet i PD në qarkun e Tiranës. Tani bëhet ministër
i Mbrojtjes. Ferdinand Xhaferri, kryesoi listën e kandidateve të djathte në qarkun
e Durrësit. Ai u rikthye në PD, pas nje largimi disa vjeçar tek partia e Pollos që
tashme është shkrire. Spiro Ksera, që merr Ministrinë e Punës, u cilësua nga vete
Berisha si një nga bashkëpunëtoret e tij më të vjetër. Ai u nda nga PBDNJ kur kjo
e fundit doli në koalicion me PS. Ministrat e kabinetit qeveritar: Zv/kryeministër
dhe ministër i Jashtëm Ilir Meta; Ministër i Drejtësisë Bujar Nishani; Ministër i
Financave Ridvan Bode; Ministër i Brendshëm Lulzim Basha; Ministër i Bujqësisë Genc
Ruli; Ministër i Mbrojtjes Arben Imami; Ministër i Transporteve Sokol Olldashi; Ministër
i Arsimit Myqerem Tafaj; Ministër i Punes Spiro Ksera; Ministër i Kulturës Ferdinand
Xhaferri; Ministër i Mjedisit Fatmir Mediu; Ministër i Shëndetësisë Petrit Vasili;
Ministër i Ekonomisë Dritan Prifti; Ministër Shteti Genc Pollo dhe Ministre Integrimi
Majlinda Bregu.