Агульная Аўдыенцыя Сьвяцейшага Айца ў сераду 9-га верасьня
Адбылася яна ў зале імя Папы Паўла 6-га.. Прыбыло на яе многа вернікаў і паломнікаў
з кожнага кутку сьвету. У часе сёньняшняе аўдыенцыі Папа працягваў
свой цыкл пра Айцоў Царквы. Сьвяты Пятро
Дамянін нарадзіўся ў 1007-м годзе ў італьянскім горадзе Равэнна, дзе таксама атрымаў
адукацыю і прыняў сьвятарскія сьвядчыны. Пакінуў па сабе багатую літуратурную спадчыну:
лісты, тэалагічныя трактаты, казаньні, жыцьцяпісы Сьвятых і паэтычныя творы. Быў
перад усім вядомым аскетам,- сказаў Папа ў сваёй сёньняшняй катахэзе,- вядомым юрыстам,
кананістам, знаўцам Бібліі, Айцоў Царквы і лаціны. У 1034-м годзе ўступіў да Закону
Айцоў Бэнэдыктынаў-эрэмітаў у Фонтэ Авэляно. Там стварыў новую Эрэміцкую Рэгулу.
Паклаў у ёй націск на законную дысцыпліну, зьберажэньне маўчаньня, малітву, пост,
паслухмянасьць, братэрскую любоў, на неабходнасьць штодзённага разважаньня над Сьвятым
Пісаньнем. Заахвочваў да любові Найсьвятой Тройцы, Крыжа Хрыстовага і Царквы.
Заўважваючы шматлікія недахопы ў дысцыпліне духавенства- сказаў далей Сьвяцейшы Айцец-
ў 1057-м годзе Сьвяты Пятро Дамянін пакідае манастыр і прыймае біскупскае назначэньне,
каб у супрацоўніцтве з Рымскім Папам ахвяравацца рэформе Касьцёла. Шмат разоў выконваў
ролю высланьніка Папы у важных для Касьцёла місіях- сказаў на заканчэньне сваёй катахэзы
Бэнэдыкті 16- між іншым удзельнічаў у справе разводу Гэнрыка 4-га, асьвяціў адноўленую
Базыліку на Мантэ Касына, намагаўся ўвесьці парадак і мір ў сваім родным горадзе Равэнна,
які высказаўся супраць Папе. Вяртаючыся з гэтае апошняе місіі няспадзявана памёр
у Фаэнцы ў 1072-м годзе. Неўзабаве пасьля сьмерці ягоную памяць акружана пашанаю,
якая належыцца Сьвятым. На заканчэньне аўдыенцыі Папа прывітаў ўсіх вернікаў,
асабліва хворых, моладзь ды новыя шлюбныя пары надзяляючы на ўсіх сваё Апостальскае
Блаславенства