Бразылійскія біскупы пачалі свой візыт "Ад Ліміна"
Бразылійская Япіскапская Канфэрэнцыя найбольшая ў сьвеце. Ёсьць падзеленая на
17-ць рэгіёнаў. Кожны рэгіён будзе мець свой ўласны візыт “Ад Ліміна”. Дзеля гэтага
Папа Бэнэдыкт 16 на працягу цэлага году будзе прыймаць гэтыя візыты. І так 7-га верасьня,
ў нацыянальнае сьвята Бразыліі (ў гадавіну абвешчаньня незалежнасьці, што адбылося
ў 1822-м годзе) Сьвяцейшы Айцец прыняў на аўдыенцыі першую групу бразылійскіх біскупаў.
У сваёй прамове да іх сказаў, між іншым, што “Бразылія асабліва церпіць на недахоп
сьвятароў. Біскупы і сьвятары мусяць пераадольваць вялікія адлегласьці, каб служыць
вернікам. Аднак міма існуючых недахопаў вельмі істотнаю зьяўляецца адпаведная сьвятарская
фармацыя”. Бэнэдыкт 16 зьвярнуў увагу, што цяперашняе пакаленьне нарадзілася ўжо
ў зсэкулярызаваным царкоўным асяроддзі. Замест адкрыцьця і прымірэньня бачыць яно
прорву паміж грамадзтвам а навучаньнем Касьцёла, асабліва на ніве этыкі. “На гэтай
пустыні без Бога новае пакаленьне адчувае вялікае жаданьне трансцэндэнцыі- заўважыў
Папа. Тыя маладыя людзі з гэтага новага пакаленьня прыходзяць да духоўнае сэмінарыі.
Яны павінны сустрэць там адукатараў, якія сапраўды ёсьць Божымі людзьмі. Гэта маюць
быць сьвятары поўнасьцю адданыя фармацыі, даючы сьведчаньне адданасьці Касьцёлу цераз
цэлібат і празрыстае сваё жыцьцё. Такім чынам сэмінарысты стануць ўражлівымі на сустрэчу
з Богам, штодзённа будуць ўдзельнічаць ў Эўхарыстыі, любячы малітву. Будуць турбавацца,
перад усім, пра Божую хвалу і збаўленьне душаў”- сказаў Сьвяцейшы Айцец сустракаючыся
з перашаю групаю бразылійскіх біскупаў.