У Вільні прайшоў ІV Зьезд беларусаў Балтыйскага рэгіёну
Задачы зьезду былі наступныя: удэталяваць надалейшыя стасункі беларускіх
арганізацыяў Эстоніі, Латвіі, Летувы, Польшчы й Калінінградзкае вобласьці з этнічнай
Бацькаўшчынай; вызначыць праблемы беларусаў рэгіёну й распачаць супольную працу зь
дзяржаўнымі ўстановамі. Удзельнікі сустрэчы прынялі зварот да ўладаў Беларусі
ў сувязі са станам дэмакратыі й свабодай слова на Бацькаўшчыне, а таксама выказалі
пункт гледжаньня пра магчымы прыезд Аляксандра Лукашэнкі на Беларускі эканамічны форум,
які пройдзе ў Вільні 16-га верасьня. Як адзначае кіраўнік ТБК Летувы Хведар Нюнька,
пад патранажам якога ініцыяваны Зьезд, ТБК, як і раней, будзе прытрымлівацца пазыцыі
дэмакратызацыі Беларусі й далучэньня Бацькаўшчыны да эўрапейскіх працэсаў і каштоўнасьцяў.