Папа Бэнэдыкт 16 у нядзелю 6-га верасьня адведаў з душпастырскім візытам два італьянскія
гарады: Вітэрбо і Банёрэджо
Візыт Сьвяцейшага Айца ў Вітэрбо пачаўся Сьвятой Імшою, якую адпраўлена блізка
тамашняй рэзыдэнцыі Рымскіх Папаў, якая (як прыпомніў Бэнэдыкт 16 у казаньні) была
ў ХІІІ стагоддзі аж пяць разоў месцам Канклявэ. Перад Эўхарыстыяю Папа адведаў залу,
ў якой выбірана Рымскіх Папаў, у тым, між іншым, Бласлаўлёнага Рыгора Х. Ягоны выбар
працягваўся амаль 3 гады, дакладна 33 месяцы, і быў найдаўжэйшым у гісторыі. Каб
прысьпяшыць выбар Наступніка Сьвятога Пятра замкнута кардыналаў “cum clave” ( пад
ключом) і адтуль прыняўся назоў Канклявэ. Візыт Папы засяродзіў на сабе вынятковае
зацікаўленьне італьянскіх масс-мэдыяў у сувязі напружаньнем, якое ў апошніх днях ўзьнікла
паміж Каталіцкім Касьцёлам а ўрадам Бэрлюсконі. Сьвяцейшы Айцец у сваім казаньні
сацыяльна-палітычных спраў не абмінуў, але зрабіў гэта без ніякіх намёкаў да цяперашніх
напружаньняў, але выходзячы ад Эвангэльля нядзелі. Дарагі Касьцёле
гораду Вітэрбо. Хай Хрыстос, які адчыніў вушы і развязаў язык глуханямому, дае табе
заўсёды радасьць слуханьня Ягонага Слова, адвагу абвяшчаць Эвангэльле. Хай дае здольнасьць
гаварыць аб Богу і размаўляць з братамі ды адвагу адкрываць аблічча Бога і Ягоную
прыгажосьць. Каб гэта змагло стацца- прыпамінае Сьвяты Бонавэнтура з Банёрэджо, куды
я адпраўлюся пасьля поўдня ( сказаў Папа), розум мусіць выйсьці ў кантэмпляцыі па-за
пачуцьцёвы сьвет і нават па-за самога сябе”. Далей Сьвяцейшы Айцец прыпомніў, што
ў ХІХ стагоддзі Марыё Фані заснаваў у Вітэрбо “Circolo Santa Rosa” ( Круг Сьвятой
Ружы). Гэтае таварыства дало пачатак сёньняшняй Каталіцкай Акцыі. Да сактуарыя,
дзе знаходзіцца гроб яе Патронкі, Сьвятой Ружы з Вітэрбо, Бэнэдыкт 16 прыбыў пасьля
Сьвятой Імшы. Там убачыў “Махіну Сьвятой Ружы”- гіганцкі 30-ці мэтровы сьвечнік з
ейнаю фігураю. Прыпомнім толькі, што жыла гэтая францішканская тэрцыярка ў ХІІІ стагодззі. На
заканчэньне Папа паклікаў вернікаў, каб “у Годзе Сьвятароў маліліся яшчэ больш інтэнсіўна
за іх, за сэмінарыстаў і ў намеры пакліканьняў”. Зараз пасьля Сьвятой Імшы Бэнэдыкт
16 адгаварыў Багародзічную малітву “Анёл Гасподні”. У разважаньні, перад ейным адгаварэньнем,
Папа прыпомніў між іншым, чаму Вітэрбо называецца горадам Рымскіх Папаў. На працягу
другой паловы ХІІІ стагоддзя горад быў іх рэзыдэнцыяю- сказаў Сьвяцейшы Айцец. Пяцёра
з іх у Вітэрбо было выбраных на Пятровую Сталіцу. Шасьцёра было там пахаваных. У
ваколіцах гэтага гораду нарадзілася таксама некалькіх будучых Папаў, між іншым, Сьвяты
Лявон Вялікі. Пасьля адгаварэньня малітвы Папа накіраваў спэцыяльнае пасланьне
да ўдзельнікаў Міжнароднага Кангрэсу у карысьць Міру “Людзі і Рэлігіі”, які зарганізаваў
кардынала Станіслаў Дзівіш і Рымская Супольнасьць Сьвятога Эджыдыя пад лозунгам “Асізі
ў Кракаве”. Нагодаю кангрэсу была 70-я гадавіну выбуху Другой Сусьветнай Вайны і
20-ці годдзе ўпадку камунізму. Мы не можам забыцца
аб драматычных здарэньнях, якія далі пачатак аднаму з найстрашнейшых канфлікаў у гісторыі
чалавецтва. Ён спрычыніў сьмерць мільёнаў асоб і нанёс так многа цярпеньня польскаму
народу. Гэты канфлікт суправаджала трагэдыя Галакаўсту і зьнішчэньня многіх нявінных
людзей. Памяць аб гэтых здарэньнях схіляе нас да малітвы за ахвяры і тых, якія надалей
носяць у сваім целе і сэрцы раны з гэтага пэрыяду. Хай гэтыя здарэньні будуць таксама
напамінам для ўсіх, каб ніколі больш не паўтарыліся такія варварствы ды каб у нашых
часах узмацаваць намаганьні ў будаваньні трывалага міру, перадаючы перад усім новым
пакаленьням культуру і стыль жыцьця, які пранікнуты любоў”ю, салідарнасьцю і пашанаю
адносна другога чалавека. У гэтай пэрспэктыве асабліва важным ёсьць ўклад, які рэлігіі
могуць і павінны даць у прабачэньне і прымірэньне, супрацьстаўляючыся насільлю, расізму,
таталітарызму і экстрэмізму, якія парушаюць вобраз Стварыцеля ў чалавеку, заціраючы
гарызонт Бога і ў выніку вядуць да пагарды адносна самога чалавнка. Хай Госпад нас
падтрымлівае ў будаваньні міру, які абапіраўся б на любові і ўзаемнай пашане”- завершыў
Папа. Пасьля абеду каля гадзіны 17-й Бэнэдыкт 16 прыбыў да Санктуарыя Маці Божай
на Дубе, дзе сустрэўся з законнікамі з 12-ці навакольных кляўзуровых манастыроў.
Разам з манахамі Сьвяцейшы Айцец упроршваў Маці Божую на Дубе апекі над дыяцэзыяю
Вітэрбо і ейных жыхароў. Затым Папа прыбыў у Банёрэджо. Пасьля візыту ў катэдры
Сьвятога Мікалая, ў якой знаходзяцца мошчы Сьвятога Бонавэнтуры, сустрэўся з настаяцелямі
францішканскіх сем”яў ды з мясцовымі пробашчамі. Візыт Бэнэдыкта 16 закончыўся
сустрэчаю з жыхарамі гораду на Плошчы Сьвятога Аўгустына. Вітаючы Папу біскуп Вітэрбо
монс. Кярынэльлі прыпомніў сувязі, якія спалучалі цяперашняга Папу са Сьвятым Бонавэнтураю.
Як вядома ў 1957-м годзе ксёндз Язэп Ратцынгэр напісаў габілітацыйную працу аб ягоных
тэалагічных думках. “Сьвяты Бонавэнтура шукаў не толькі Бога, але быў таксама сэрафіцкім
песьняром стварэньня- сказаў Бэнэдыкт 16. Ідучы за Сьвятым Францішкам, навучыўся
“хваліць Бога ва ўсіх і цераз усе стварэньня”. Бонавэнтура ўказвае пазітыўную здань
сьвету як дару любові Бога да людзей. Пазнае ў Ім адбіцьцё найвышэйшага Дабра і Прыгажосьці,
аб якім за сьвятымі Аўгустынам і Францішкам сьцвярджае, што ёсьць самым Богам. Усё
было нам дадзена Богам. З Яго выплывае тое, што сапраўднае, добрае і прыгожае. Спасылаючыся
да пытаньня бурмістра Банёрэджо, што будзе з яго горадам, які амаль апушчаны і амаль
вымерлы, Папа адказаў сьцвярджэньнем, што “праўду сказаўшы мы усе задумваемся над
будучыняю нас самых і сьвету, а гэтыя пытаньні маюць многа супольнага з надзеяю, якой
прагне сэрца чалавека”. Пасьля гэтае сустрэчы Папа разьвітаўся з жыхарамі гэтага
гораду ды каля гадзіны 19.30 ў нядзелю 6-га верасьня вярнуўся ў сваю летнюю рэзыдэнцыю
ў Кастэльгандольфо.