(07.9.2009 RV)Numërimi i ngadalshëm i votave të zgjedhjeve presidenciale afgane
të gushtit e kanë shty kreun aktual të Shtetit Hamid Karzai tashmë vetëm një hap (48,6%)
nga fitorja që në turnin e parë. Pra, dy javë pas mbajtjes së zgjedhjeve parlamentare,
kryetari i shtetit afgan, Hamid Karzai e ka thelluar epërsinë. Siç njoftoi Komisioni
i Pavarur Zgjedhor, Karzai pas numërimit të dy të tretave të votave arrin në 49 për
qind. Sfiduesi i tij, ish ministri i Mbrojtjes, Abdullah Abdullah, në 32 për qind.
Përveç kësaj, komisioni për herë të parë shpalli të pavlefshme për shkak të parregullsive
votat e 447 lokaleve zgjedhore.