Здановіч выступіў за пашырэньне сфэры ўжываньня беларускай мовы
Старшыня парламенцкай камісіі па адукацыі, культуры, навуцы і навукова-тэхнічным прагрэсе
ініцыяваў распрацоўку адпаведнага законапраекту. «Да гэтага пытання трэба падыходзіць
вельмі асцярожна. Калі ўводзіць беларускую мову гвалтоўна, то гэта можа выклікаць
непрыманне, выклікаць незадавальненне. Хаця ў апошнія гады, паводле маіх назіранняў,
сфера ўжывання беларускай мовы ў нашай краіне значна пашыраецца», — сказаў Уладзімір
Здановіч. Варта таксама змяніць падыход да навучання замежных моваў у сістэме адукацыі
Беларусі. На думку парламентарыя, гэты падыход сёння няправільны. «Неабходна перайсці
да навучання замежных моваў, робячы акцэнт на размоўным узроўні, а не на працы з аб’ёмнымі
тэкстамі, — лічыць Уладзімір Здановіч. — Акрамя таго, трэба даць магчымасць малодшым
класам у школе інтэнсіўна займацца замежнай мовай, таму што ў дзяцінстве мовы засвойваюцца
хутчэй». Дэпутат адзначыў, што змену падыхода да навучання замежных моваў можна было
б замацаваць у Кодэксе аб адукацыі, праект якога знаходзіцца цяпер у беларускім парламенце.