3-га верасьня Папа быў на праекцыі фільма аб Сьвятым Аўгустыне
“Жыцьцё Сьвятога Аўгустына з выгляду канчаецца трагічна. Ягоны сьвет падвяргаецца
зьнішчэньню. Аднак ператрывала ягонае пасланьне. Бо ж яно бярэ пачатак з праўды
і вядзе да любові. А праўда і любоў ёсьць прызначэньнем для ўсіх”.- сказаў Бэнэдыкт
16 на заканчэньне праекцыі фільма аб Сьвятым Аўгустыне. Прысутныя ў летняй рэзыдэнцыі
Папы у Кастэльгандольфо нямецкія стваральнікі гэтага фільма сказалі, што гэта сам
Папа заахвоціў іх да стварэньня фільму аб Сьвятым Аўгустыне. Ацэньваючы гэты фільм
Сьвяцейшы Айцец параўнаў яго да вялікага падарожжа ў часе: “у сапраўднасьці здаецца
мне- сказаў Папа- што зьяўляецца своеасаблівым падарожжам па кантынэнце духа, які
нам далёкі і адначасна блізкі, бо драма чалавека пастаянна такая самая. Мы бачылі,
як у кантэксьце, які нам вельмі далёкі праходзіла чалавечае жыцьцё, з усімі яго праблемамі,
смуткамі, паражнечамі. І мы ўбачылі, што канчатковая праўда ёсьць мацнейшая, даходзіць
да чалавека. Гэта менавіта ёсьць вялікаю надзеяю, якая астаецца аж да канца: мы самі
не можам знайсьці праўды, але гэта Праўда сама нас знаходзіць”.- сказаў Бэнэдыкт 16. Фільм
аб Сьвятым Аўгустыне ўзьнік дзякуючы супрацоўніцтву кінафабрыкаў з трох краін: Італіі,
Нямеччыны і Польшчы. Фільм будзе дасьтупны для публікі восеньню гэтага году.