Լուրեր հայկական կեանքէն

ԼՂՀ-ի մէջ մտադիր են Տիգրանակերտը դարձնել համայն հայութեան ուխտատեղի

Լեռնային Ղարաբաղի մէջ արդէն հինգերորդ տարին է որ կը շարունակուին պեղումները հինաւուրց Տիգրանակերտ քաղաքի տարածքին մէջ։ Այս տարի պեղուած է եկեղեցւոյ (պազիլիքի) վերնամասը, որը, ըստ նախնական տուեալներու, կը թուագրուի Զ դարէն։

Կը շարունակուին աշխատանքները նաեւ միջնաբերդի հիւսիսային պատի տարածքին մէջ։ Արդէն պեղուած է պատի 85 մեթրը։ Իր չափերով այն ամէնամեծ պատերէն է, որ երբեւէ պեղւած է Հարաւային Կովկասի մէջ։

Պեղումներու ֆինանսաւորումը կիրականացնէ ԼՂՀ կառավարութիւնը, կազմակերպչական հարցերը կը համակարգուին ԼՂՀ կառավարութեան առընթեր զբօսաշրջութեան վարչութեան եւ այս տարի ստեղծուած Տիգրանակերտի արգելանոց պետական ոչ առեւտրային կազմակերպութեան կողմէ։

Կը նախատեսուի ստեղծել Տիգրանակերտի թանգարան։ Ներկայիս վերականգնողական աշխատանքներ կը տարուին XVIII դարի ամրոցին մէջ, որտեղ ալ պիտի հիմնադրուի թանգարանը։



Մշակոյթի սով՝ Հայաստանի մարզերուն մէջ

Հայաստանի հեռաւոր մարզերում մշակոյթի սով է. կինոթատրոնները վաճառուած են կամ վերածուել են ռեստորանների ու փաստօրէն, մարդիկ զրկուած են իսկական կինօ տեսնելու հաճոյքից,- լրագրողներու հետ հանդիպման ժամանակ ըսաւ Ոսկէ ծիրան կինոփառատօնի հիմնադիր Յարութիւն Խաչատրեանը։ Փառատօն անիւների վրայ ծրագրի շրջանակներէ ներս, Ախալքալաքի մէջ ցուցադրուեցաւ 6-րդ Ոսկէ ծիրան կինոփառատօնի ֆիլմերու ընտրանին։ Ջաւախահայերն այսօր աւելի շատ մշակութային աջակցութեան կարիք ունեն, քան նիւթական, քանի որ, հոգեւոր սնունդի պակասն աւելի մեծ ու աղետալի հետեւանքներ կրնայ ունենալ։