Patriku i Moskës Kiril kundër pavarësisë së Kosovës
(03.9.2009 RV)Patriku Ortodoks i Moskës, Kiril shprehet kundër pavarësisë së Kosovës.
Kështu shkruan Gazeta e Vatikanit “L’Osservatore Romano” sot më 3 shtator, në
fund të faqes së tretë duke botuar deklaratën e Patrikut Ortodoks të Moskës Kiril
mbi pavarësinë e Kosovës. Patrikana ortodokse e Moskës mbështet kauzën e Qeverisë
serbe kundër njohjes së pavarësisë së Kosovës, pohon vet Patriku i Moskës dhe i gjitha
Rusive, Kiril gjatë takimit të martën e kaluar me ambasadorin serb në Moskë, Jelica
Kurjak. “ E dimë se Qeveria serbe e ka paraqitur çështjen para gjykatës ndërkombëtare
të Kombeve të bashkuara, duke kundërshtuar e konsideruar si të paligjshme pavarësinë
e Kosovës. Kam studiuar reagimet e ministrisë së Jashtme ruse e pajtohem me qëndrimin
e saj”. Nga Patriku pati edhe një thirrje që në Kosovës të jenë të garantuara siguria
e serbëve dhe e besimtarëve ortodoksë.