Një rrugë në Bronx të SHBA pagëzohet me emrin e Nënë Terezës.
(02.09.2009 RV)Në sa afrohet 5 shtatori, festa liturgjike e së Lumes Nënë Terezë,
një rrugë në qytetin Bronx të Nju Jorkut merr emrin e së Lumes, me vendim të këshilltarëve
të bashkisë së qytetit dhe me nxitjen e shqiptarëve të Amerikës. Në lagjen Pelham
Parkëay, në Bronx, më 31 gushtin e kaluar, 300 vetë, shqiptarë e amerikanë, u mblodhën
për t’i vënë emrin një rruge të re. Nga ana e amerikanëve përshëndeti Xhejms Vacca,
anëtar i Këshillit Bashkijak, ndërsa nga ana e shqiptarëve, Esad Rizai, kryetar i
fondacionit të shoqërisë shqiptaro-amerikane. Emri i madh, që iu vu rrugës së re,
u konsiderua si urë lidhëse ndërmjet të dyja palëve. Kryetari i Këshillit Bashkijak,
Ruben Diaz Jr, e quajti Nënë Terezën “shembëlltyrë të flijimit për gjithë botën”.