Dalai Lama në Tajvan për t’u lutur për viktimat e tajfunit.
(01.09.2009 RV)Dalai Lama kryesoi sot lutjen e 15 mijë vetë në stadiumin e
Tajvanit, manifestim publik ky të cilin Pekini e kundërshtoi rreptë. Sidoqoftë udhëheqësi
shpirtëror tibetan Dalai Lama pohoi se ka ardhur në Taivan vetëm për t’u lutur për
viktimat e tajfunit që para pak javësh goditi ishullin duke shkaktuar 700 të vdekur.
“Synimi i vizitës sime këtu është vetëm të lutem për viktimat” tha për shtypin Dalai
Lama, i cili është ftuar të vizitojë Tajvanin nga kryetarët e bashkive të zonave të
goditura nga kjo fatkeqësi natyrore.