Bisedimet ndërmjet palestinezëve dhe izraelitëve do të rifillojnë së shpejti.
(01.09.2009 RV)Së shpejti Uashingtoni, me rastin e një takimi tripalësh ndërmjet
presidentit amerikan Obama, atij izraelit Netanijahu dhe presidentit të Autoritetit
Kombëtar Palestinez Mahmud Abaz, do të lajmërojë rifillimin e bisedimeve ndërmjet
izraelitëve dhe palestinezëve. Kështu njoftonte sot e përditshmja izraelite Haaretz,
duke shtuar se presidenti Barak Obama ka përpiluar një plan dyvjeçar për arritjen
e paqës në Lindjen e Mesme. Menjëherë burime dimplomatike izraelite dhe europiane
e njoftuan gazetën Haaretz se Obama nuk ka një plan të posaçëm por se procedura diplomatike
që do të ndiqet nga ai do të jetë krejtësisht e ndryshme nga ajo që ka ndjekur presidenti
Bush.