Багародзічная малітва "Анёл Гасподні" ў нядзелю 30-га жніўня: ў сям"і фармуецца пакліканьне
і сьвятасьць
Папа Бэнэдыкт 16 сустракаючыся з вернікамі а паўдні ў нядзелю 30-га жніўня ў Кастэльгандольфо,
ў сваёй летняй рэзыдэнцыі блізка Рыму, прыпомніў ім асаблівую ролю сьвятых, якіх прыклад
паказвае, як многа залежыць ў нашым жыцьці веры ад сямейных вузаў. Сьвяцейшы Айцец
падкрэсьліў. што гісторыя хрысьціянства намечана нязлічонымі прыкладамі сьвятых бацькоў
і сапраўдных хрысьціянскіх сем”яў, з якіх паходзілі надзвычайныя сьвятары і пастыры
Касьцёла. Апрача Сьвятога Аўгустына і яго маці Монікі Папа пералічыў, што паходзяць
са сьвятых сем”яў, Васіля Вялікага і Рыгора з Назыяну, а з бліжэйшых нам часоў Бласлаўлёных
сужонкаў Бэльтрамэ Куатроокі і Марыю Корсіні. Калі сужонцы настойліва
ахвяроўваюцца выхаваньню дзяцей, вядучы іх да адкрываньня Божага плану любові, падрыхтоўваюць
такім чынам гэтую пладавітую глебу духа, на якой зьяўляюцца і дасьпяваюць пакліканьні
да сьвятарства і законнага жыцьця”- сказаў Бэнэдыкт 16. Гэта паказвае на тое, як
вельмі ўнутрана спалучаныя з сабою сужонства і дзявоцтва, якія ўзаемна дапаўняюцца,
пачынаючы ад іх супольнага ўкараненьня ў любові Хрыста,- падкрэсьліў Папа. На заканчэньне
сваёй прамовы Сьвяцейшы Айцец заахвоціў вернікаў да малітваў, каб хрысьціянскія сем”і
сталіся “маленькімі Касьцёламі”, ў якіх ўсе пакліканьні і харызмы , што паходзяць
ад Сьвятога Духа, маглі быць прынятыя і правільна ацэненыя. Вітаючы пілігрымаў
Бэнэдыкт 16 спаслаўся да Дня Аховы Стварэньня, які ў Італіі ўшаноўваецца 1-га верасьня.
Гэтае экумэнічнае здарэньне мае сёлета за тэму значэньне паветра, якое неабходнае
да жыцьця. “Так як я сказаў у часе Агульнае Аўдыенцыі ў мінулую сераду, заахвочваю
ўсіх да большага заангажаваньня ў карысьць аховы асяроддзя, якое ёсьць дарам Бога”-
сказаў Бэнэдыкт 16. Асабліва заахвочваю разьвінутыя краіны, каб у адказны спосаб
супрацоўнівалі ў карысьць будучыні нашага зямнога шару так, каб найбольш убогія народы
не мусілі плаціць найбольшую цану за кліматычныя зьмены”.