Vdiq në Iran kreu i shiitëve irakianë, Abdel Aziz al-Hakim
(26.08.2009 RV)Vdiq sot në spitalin e Teheranit, kreu i shiitëve irakianë,
Abdel Aziz al-Hakim, prej kohe i sëmurë me tumor në mushkëri. Për një periudhë ai
është kuruar edhe nga specialistë amerikanë, por pa rezultate të dukshme. Al-Hakim
njihej për lidhjet e tij me Republikën Islamike. Për një kohë të gjatë, ka qenë në
krye të Këshillit të Lartë Islamik të Shiitëve Irakianë, parti politike e themeluar
në Iran më 1982, kundërshtare e regjimit të Sadam Hyseinit. Ditët e fundit të jetës,
kreu i shiitëve i kaloi në spitalin Massih (Jezus) të kryeqytetit iranian.