Filloi sot në Rimini Mitingu XXX për miqësinë ndërmjet popujve me temë: “Njohja është
gjithnjë ngjarje e madhe”.
(23.08.2009 RV)Mitingu u hap sot në orën 11. 00 me Meshën Shenjte, kryesuar
nga ipeshkvi i Riminit, imzot Françesko Lambiazi. Në fillim të kremtimit u lexua mesazhi
i Papës, drejtuar pjesëmarrëve. Më pas nisën menjëherë takimet, gjatë të cilave, për
shtatë ditë me radhë do të shkëmbehen mendime rreth temës së miqësisë e të njohjes
ndërmjet popujve, që kanë dërguar në takimin e madh përfaqësuesit e tyre nga vise
të ndryshme të të pesë kontinenteve. Vende e popuj, njerëz e opinione do të jenë protagonistë
të Mitingut, ku do të flitet për të kaluarën e për të ardhmen e njerëzimit e ku, sidomos,
do të lindin miqësi të reja, falë pikërisht njohjes, që është gjithnjë ngjarje e madhe.