Dhunë në Meksikë: rrezikohet jeta e shumë meshtarëve.
(23.08.2009 RV)Në Meksisë meshtarët jetojnë gjithnjë nën kërcënim. Që nga
viti 1993 janë vrarë 15 rregulltarë, ndërmjet të cilëve, kardinali Huan Hesus Posadas
Okampo, kryeipeshkëv i Guadalaharës dhe 11 priftërinj. Njoftimet vijnë nga një studim
kushtuar ‘persekutimit të ri të meshtarëve’, që u botua këto ditë nga qendra e studimit
e Konferencës ipeshkvnore meksikane. Sipas këtij studimi, meshtarët janë në rrezik
jete sidomos në shtetet jugore të Guerreros, Çapasit e Oksakës, por edhe në zonat
veriore, ku vijojnë ndeshjet e tërbuara ndërmjet bandave të tregtarëve të drogës.
Rasti më tronditës – kujtohet në dokument – është ai i kryeipeshkvit të Gudalaharës,
kardinalit Pasadas Okampo, që u vra në maj të vitit 2003 në aeroportin e qytetit të
tij, gjatë një shkëmbimi zjarri ndërmjet trafikantëve të drogës. Askush – kujton
gazeta ‘Avvenire’ – nuk është arrestuar e aq më pak, dënuar për këtë vrasje.